TILKYNNING
Þar sem formaðurinn okkar er axlarbrotin þá færist kaffihlaðborðið á nýjan stað. Vinnudags/göngustíganefndarmaðurinn Hafsteinn og hans kona Ólöf í bústað E-38 að taka á móti vinnufólkinu að vinnudegi loknum.
Munið að koma með veitingar á hlaðborðið !
Drykkir af öllum gerðum í boði félagsins 🙂
Það væri ágætt ef einhverjir hafi með sér klappstóla eða kolla.
Hittumst hress – sjórnin
Útivistar- og vinnudagur Skógarbúa í Eyrarskógi og Hrísabrekku
verður haldinn laugardaginn 13. júní
Mæting er við gámana Eyrarskógsmegin kl 10:00
Helstu verkefni dagsins eru :
Laga göngustíga, bæta í þá kurli og/eða möl.
Klippa gróður meðfram akvegum í skóginum.
Eftir vinnutörnina er hefð fyrir því að hittast á pallinum
hjá formanni Önnu Karen og Jóni Steinari
Birkihlíð H-30 um kl 16:00
( það er alltaf sól og blíða þennan dag )
Allir taka eitthvað gómsætt með sér á hlaborðið
Aðalfundur Frístundafélagsins Eyrarskógur og Hrísabrekka verður haldinn í veitingarhúsinu Cafe Catalina Hamraborg 11, 200 Kópavogi, fimmtudaginn 19. mars, kl. 20.00.
Dagskrá:
1. Fundur settur.
2. Kosning fundarstjóra og fundarritara.
3. Skýrsla stjórnar lesin.
4. Reikningar félagsins lagðir fram.
5. Umræður um skýrslu stjórnar og reikninga.
6. Vegir og girðingar – staða mála.
7. Vatnsveita – staða mála.
8. Hitaveita – staða mála.
9. Kosning stjórnar skv. 6. grein laga félagsins.
10. Kaffihlé.
11. Ákvörðun um árgjöld.
12. Önnur mál.
Félagsmenn eru hvattir til að mæta !
Stjórnin.
Umgengnisreglur í Eyrarskógi og Hrísabrekku
Stjórnin hefur verið í sambandi við Borgarverk og þeir eru búnir með það sem þeir gera í bili þ.e veginn inn að Grjótá og svo leggja þeir lokalagið og olíuburð í vor. TAK-verktakar halda eitthvað áfram inn að Kambshól og eiga að gera veginn ökuhæfan þar fyrir veturinn. Við heyrðum líka í Vegagerðinni og þeir fullvissuðu okkur um að allur frágangur á svæðinu væri á þeirra könnu og þar með allt í kringum Grjótá verði lagað eins og best verður á kosið. Við erum búin að fá malaðan þennan fína haug af möl fyrir félagið sem við sömdum um og verður það sett i stofnvegina okkar við tækifæri.
Viljum benda fólki líka á að koma inn á facebook-síðuna okkar og það þarf bara að biðja um aðgang að henni : Eyrarskógur og Hrísabrekka
Kveðja stjórnin
Útivistardagur skógarbúa í Eyrarskógi og Hrísabrekku
Verður haldinn laugardaginn 14. júní
Mæting er niður við gáma Eyrarskógsmegin klukkan 10.00
Takið gjarnan með ykkur skóflur, hekk-klippur, hjólbörur.
Útivistarnefnd skiptir okkur niður í vinnuhópa og helstu verkefni verða :
Þökulagning á vatnstank – Lúpínusláttur – Stígaviðhald – Dittað að varðeldalautinni – ofl.
Eftir vinnutörnina er hefð fyrir því að hittast á palli hjá formanni og gleðjast yfir góðum vinnudegi.
í Birkihlíð H-30 hjá Önnu Karen og Jóni Steinari
um klukkan 16.00
Allir taki með sér eitthvað gómsætt á hlaðborð og drykkir eru í boði fèlagsins.
Nefndin
Aðalfundur Frístundafélagsins Eyrarskógur og Hrísabrekka var boðaður og haldinn í Fundarsal Menntaskólans í Kópavogi Digranesvegi 51, fimmtudaginn 10. apríl s.l. kl. 20.00
Dagskrá fundarins var sem hér segir:
1. Fundur settur.
2. Kosning fundarstjóra og fundarritara
3. Skýrsla stjórnar lesin.
4. Reikningar félagsins lagðir fram.
5. Umræður um skýrslu stjórnar og reikninga.
6. Vegir og girðingar – staða mála.
7. Vatnsveita – staða mála.
8. Tillaga að lagabreytingu.
9. Kosning stjórnar skv. 6. grein laga félagsins.
10. Kaffihlé.
11. Ákvörðun um árgjöld.
12. Hitaveita – ljósleiðari – staða mála.
13. Önnur mál.
Aðalfundur Frístundafélagsins Eyrarskógur og Hrísabrekka
Fundur var settur kl. 8:10. Formaður félagsins, Anna Karen Ásgeirsdóttir setti fundinn og stakk upp á Ólafi Steingrímssyni sem fundarstjóra og Ólafi Ólafssyni sem fundarritara. Engar athugasemdir bárust og voru þeir því réttkjörnir.
Ólafur fundarstjóri tilkynnti að fundur væri rétt boðaður og því löglegur og gaf því næst formanni félagsins orðið um skýrslu stjórnar sem fer hér á eftir:
Því næst voru reikningar félagsins lagðir fram
Boðið var upp á umræður um skýrslu stjórnar og reikninga félagsins.
Athugasemd kom frá gjaldkera þar sem hann sagði kostnað vegna öryggishliða hafa af einhverju leiti færst milli ára.
Spurt var um árgjöld og framkvæmdagjöld og hvað margir væru í félaginu.
Svarað var að óvíst væri um félagafjölda og einnig að félag landeiganda, Eyrarbyggð, greiddi ekki af sínum óbyggðu lóðum sem væru 11 talsins sem þó væri lagaleg skylda, en ekki væri ráðlagt að fara í hart með það mál.
Eftir stuttar umræður voru skýrsla stjórnar og reikningar félagsins samþykktir
Að þessu loknu voru kynntar skýrslur nefnda:
Guðjón í E-14 ræddi um vegamálin á svæðinu.
Hann sagði að í samvinnu við Þórarinn á Hlíðarfæti hefði verið farið yfir vegi og þeir lagaðir og til stæði að tala við framkvæmdaraðila á Svínadalsvegi um lagfæringu við vegtengingu og kringum gámasvæði.
Sigmundur í E-31ræddi vatnsmálin á svæðinu.
Hann sagði að þokkalega hafi gengið í vatnsmálum. Eitthvað frost hefði verið í heimtaugum. Lagfæra ætti vatnslögn við brúna og þökuleggja tankinn.
Taka hefði þurft vatnið af um tíma vegna vinnu og sums staðar væri lélegur frágangur á eldri hluta lagnar.
Fjölga þyrfti í vatnsnefnd þar sem einn nefndarmaður væri starfandi í Noregi.
Þvínæst var tillaga um lagabreytingu borin upp.
Skýring var gefin að vegna klúðurslegs orðalags væru núverandi lög of óskýr.
Tillaga að leiðréttu orðalagi í lögum félagsins.
Hljóðar svo í dag: 6. gr
Skipun stjórnar
Stjórn félagsins skipa þrír menn úr hópi félagsmanna sem kjörnir eru á aðalfundi ásamt tveimur varamönnum. Stjórnarmenn skal kjósa til tveggja ára þannig að annað árið skal kjósa tvo aðalmenn og einn varamann og hitt árið formann félagsins, einn aðalmann og einn varamann. Stjórnin skiptir að öðru leyti með sér verkum þannig að einn sé ritari, einn gjaldkeri og aðrir meðstjórnendur.
Greinin verði eftirfarandi:
Skipun stjórnar
Stjórn félagsins skipa þrír menn úr hópi félagsmanna sem kjörnir eru á aðalfundi ásamt tveimur varamönnum. Stjórnarmenn skal kjósa til tveggja ára þannig að annað árið skal kjósa tvo aðalmenn og einn varamann og hitt árið formann félagsins, og einn varamann. Stjórnin skiptir að öðru leyti með sér verkum þannig að einn sé ritari og annar sé gjaldkeri.
Tillagan var samþykkt einróma.
Næsti liður var kosning stjórnar og nefnda
Stjórn gaf kost á sér óbreytt
Í stjórn sátu og eru starfandi áfram:
Anna K. Ásgeirsdóttir, formaður, H-30
Hlynur Sigurdórsson, ritari, H-2
Steini Þorvaldsson, gjaldkeri, E-77
Margrét Maronsdóttir, varamaður, H-4
Krisófer Bjarnason, varamaður, E-73
Stjórnin var einróma kosin áfram.
Vegna skilmála um kosningu í 1 eða 2 ár var stjórn þannig stillt upp að gjaldkeri gaf kost á sér til eins árs, en aðrir í aðalstjórn til tveggja ára.
Skoðunarmenn og nefndarmenn voru einnig endurkjörnir nema einn aðila vantar í vatnsnefndina þar sem einn nefndarmanna er starfandi í Noregi.
Nefndir eru því þannig skipaðar:
Skoðunarmenn reikninga:
Birna Þ. Pálsdóttir, E-12
Indriði Þorkelsson, E-7
Vatnsnefnd:
Sigmundur Jónsson, E-31
Kristleifur Kolbeinsson, H-28
Sigurður E-12
Veganefnd:
Gísli Haraldsson, E-33
Guðjón I. Jónsson, E-14
Sveinn Ragnarsson, H-5
Útivistarnefnd:
Lúlli í E-41, Hafsteinn E-38 og Þórarinn E-19.
Kaffihlé var gert á fundi frá 8:40 – 9:00 og boðið upp á kaffi og kleinur í boði hússins.
Eftir kaffihlé lét formaður félagsins lista með netföngum ganga og bað um lagfæringar, ásamt beiðni um að eingöngu eitt netfang væri notað fyrir hvern rétthafa vegna vandamála í netpóstsendingum. Auk þess þarf að gefa upp eitt netfang til Landsambandsins.
Árgjöld
Því næst bar gjaldkeri upp tillögu um félagsgjald.
Hann ræddi um framkvæmd vegna vinnu við lagningu slitlags kringum öryggishlið og gáma og bar síðan upp tillögu um árgjald upp á 10,000,- krónur og síðan framkvæmdagjald upp á 15,000,- krónur.
Tillaga gjaldkera um árgjald og framkvæmdagjald var samþykkt.
Þessu næst hrósaði fundarstjóri því hversu vel fundur hefði gengið hingað til og að líklegasta skýring væri sú að enginn hefði heyrt í sér.
Hlynur ritari í stjórn tók til máls og kynnti bréf sem var sent sveitarstjórn Hvalfjarðarstrandarhrepps og er það birt hér neðan:
Hvalfjarðarsveit
Efni: Hitaveitumál í frístundabyggð í landi Eyrar
Stjórn Frístundahúsafélagsins Eyrarskógur og Hrísabrekka óskar eftir upplýsingum um áform sveitarfélagsins varðandi hitaveitulagnir á félagssvæði Frístundhúsafélagsins.
Frístundahúsafélagið hefur verið í bréfasambandi við stjórn Hitaveitu Hvalfjarðarsveitar og fengið afsvar um að af lagningu hitaveitu á félagasvæðinu geti verið á þeirra vegum á næstu árum.
Stjórn Frístundahúsafélagsins fer því þess á leit við Hvalfjarðarsveit, sem er eigandi hitaveitunnar að hálfu leiti, að sveitarfélagið beiti sér fyrir endurskoðun á ákvörðun hitaveitunnar. Að leitað verði leiða til þess að frístundahúseigendur í landi Eyrar sitji við sama borð og aðrar frístundahúsabyggðir í sveitarfélaginu varðandi aðgang að heitu vatni
Jafnframt fer Frístundahúsafélagið þess á leit við sveitarfélagið að það beiti sér fyrir að gerð verði kostnaðaráætlun um lagningu hitaveitu inn á svæði félagsins. Stjórnin.
Málið var tekið fyrir í stjórn sveitarfélagsins, og því komið í ákveðið ferli.
Þá ræddi hann ljósleiðaramál og sagði lagningu hans myndi verða á kostnað félagsins ef af yrði, en tengibox yrði fyrir neðan Eyrarskóg
Þá ræddi hann um öryggishliðið og sagði það hafa gengið vel, en hlið hefði ekki alltaf lokast, sérstakelga út af snjó sem þyrfti að hreinsa frá skynjara.
Næst var liðurinn: Önnur mál
Guðmundur Guðbjarnason kom upp og ræddi um úrskurði og kærumál og sagði frá aðalfundi Landsambands sumarhúsaeigenda frá fyrri viku. Hann sagði frá nýrri heimasíðu félagsins http://www.sumarhus.is/ .
Hann benti á að það ákvæði í lögum að um frístundahús megi bera ágreining milli leigusala og leigutaka undir Kærunefnd Húsamála.
Nefndin hefur frá því að hún tók til starfa úrskurðað og birt um 18 mál og þar af 15 mál sem tengdust frístundahúsum. Málafjöldi vegna leigugjalda á félagsvæði okkar taldist honum vera 7 af 15 og sýnileiga eigum við metið í málum þessum gagnvart einum landeiganda. Síðasti úrskurður féll í febrúar 2014.
Landeigandi félagssvæðisins hefur verið kröfuharður gagnvart þeim sem eru með samninga sem eru að renna út og þarfnast endurnýjunar. Enfremur hafur hann gert kröfu um nýja og sjálfstæða samninga við nýja leigutaka, sem eru að kaupa bústað í skóginum með gríðarlegri hækkun leigugjalda.
Guðmundur sagði frá þessum úrskurðum sem fyrr var minnst á
Fyrsti úrskurðurinn var felldur í desember 2010. Leiga úrskurðuð 75,000,- krónur
Annar og þriðji úrskurður féllu 21 mánuði síðar eða í ágústlok 2012. Í þeim úrskurðum var leigugjald ákvarðað 77,000,- krónur hjá hvorum um sig.
Í fjórða úrskurðinum var það að aðili sem var með tvær lóðir og eitt hús. Niðurstaða nefndarinnar var að leigutaki hafi kært of seint og framlengingu samnings varðandi hús og lóð hafnað. Breytti það engu þótt leigusali hafi sent úr greiðsluseðla eftir lok leigutíma. Þeim hluta kærunnar er varðaði stöku lóðina var vísað frá þar sem hús verður að hafa staðið á lóðinni í a.m.k. tvö ár fyrir lok samnings til að kærunefnd taki mál til úrskurðar.
Fimmti úrskurðurinn féll í apríl 2013. Þar var leigan úrskurðuð 84,000,- krónur.
Sjötta og sjöunda úrskurðinum var vísað frá þar sem kært var til nefndarinnar of fljótt, þ.e. á því tímatili sem landeigandi átti réttinn að kæra. Báðum þessum málum hefur verið vísað aftur til nefndarinnar. Auk þess mun eitt mál úr röðum okkar til viðbótar liggja fyrir nefndinni.
Mál sem berast nefndinni veit Landsambandið ekki um fyrr en úrskurður hefur verið birtur, en þeir birtast á heimasíðunni: rettarheimild.is ásamt fleiri úrskurðum.
Guðmundur sagði að á einfaldan hátt mætti segja að aðalreglan sé sú að landeigandi skuli eigi síðar en tveimur árum fyrir lok samnings senda leigutaka skriflega tilkynningu um lok samnings. Leigutaki skuli hafa frumkvæði að viðræðum um endurnýjun samnings. Leigusali hefur málskotsrétt til kærunefndar allt frá því að eitt ár er eftir af leigusamningi en fellur niður þegar 6 mánuðir eru eftir af samningum. Þá hefst málskotsréttur leigutaka sem stendur allt til loka samnings.
Þá fjallaði Guðmundur um annað mál en það var um endursölu bústaða á leigulóð. Landeigandi Eyrar hefur notfært sér það ákvæði í samningum að hann þurfi að samþykkja söluna áður en hún gengur í gildi. Gerir han þá nýja samninga við leigutaka og hefur gert óhóflegar kröfur um leigugjald sem því miður nýjir eigendur hafa tekið á sig. Ákvæði þetta er umdeilanlegt. Er verið að gefa landeigenda neitunarrétt að sölu semjist ekki um leigu við nýjan aðila. Eða er þetta einskonar tryggingaratriði að landeigandi viti um söluna og geti jafnvel gengið inn í söluna. Það er ekki á valdsviði kærunefndar að fjalla um slíkt álitamál, heldur dómstóla.
Guðmundur sagði athyglisvert að landeigandi hefði notfært sér það fyrir kærunefndinni að hafa endurleigt lóðir á 160,000,- krónur og 150,000,- krónur á árinu 2008 og á árinu 2010 á 125,000,- krónur. Kærunefnd hefur ekki tekið tillit til þessara fjárhæða.
Lögmaður Landsambandsins er þeirrar skoðunar að landeigandi geti ekki á ómálefnanlegan hátt beitt þessu ákvæði til að þröngva mönnum til nýs leigusamnings. Nýr kaupandi á að geta gengið inn í leigulóðasamninginn án afskipta leigusala eins og er með sölu íbúða á leigulóð í þéttbýli.
En á þetta ákvæði hefur ekki reynt þar sem enginn hefur farið með það fyrir dómstólana. Í leigusamningum og endurnýjunarsamningum sem gerðir eru eftir gildistöku laganna er slíkt ákvæði í ósamræmi við lögin. Leigutaki getur því selt bústað og leigulóðaréttindi án afskipta leigusala. Nýr eigandi gengur þá inn í gildandi samning fyrri eiganda. Það hefur því ekkert gildi hafi það slæðst inn í endurnýjun leigusamninga.
Að lokum sagði Guðmundur það fróðlegt að fylgjast með því hvaða leigu þeim yrði boðin sem vilja leigja þær lóðir sem landeigandi er skráður fyrir eða eru alls 11 lóðir án húsa. Landeigandi verður af a.m.k. 880,000,- króna leigu árlega að hafa þessar lóðir ekki í útleigu eða allt að 2, millj. króna nái hann að leigja á 200,000,- krónur er um að ræða frumleigja lóða án húss í mikilli samkeppni við aðra landeigendur á svæðinu sem bjóða ábyggilega betri leigukjör en okkar landeigandi krefst við endursölu bústaða ásant nýjum leigusamningi.
Nokkrar umræður urðu um þetta erindi Guðmundar og flestar snérust um það sem komið hefur fram í erindi hans og hann útskýrði aftur sömu atriði en þó kom betur fram að ef engin samskipti milli landeiganda og leigusala geti samningur framlengst 2 * 12 mánuði.
Steini Þorvaldsson las upp úr reglugerð þar sem allur réttur virtist vera hjá eiganda jarðar í mörgum þessum málum.
Grein nr. 30
2. að framleiga og framsal leiguréttinda á lóð undir frístundahús sé leigutaka óheimil án samþykkis leigusala. Þetta á við um samninga sem gerðir voru fyrir lögin sem komu 2010.
Kritsófer Bjarnason ræddi um ruslagámana og losun þeirra. Hann sagði kvörtun hafa borist til félagsins þar sem bárujárn og timbur hefði verið sett í gámana og staðið út úr þeim og ekki mögulegt að losa gámana og þeir því ekki tæmdir. Einnig mætti alls ekki skilja aukarusl eftir fyrir utan gámana. Það væri ekki tekið af gámaþjónustunni.
Birna Pálsdóttir kom upp og ræddi um vandamál vegna endurnýjun á leigusamningi vegna húss foreldra sinna sem væri að renna út og ætti að hækka verulega.
Þá las hún upp úr reglugerð og sagði frá viðræðum við forsvarsmann landeiganda.
Þá sagði hún einnig að hluti af ástæðu hækkunar á leigu væri gott útsýni og gróðursæld á lóð, en það væri að sjálfsögðu einnig gróður sem hefði verið gróðursettur á leigutíma.
Hvatt var að vísa öllum vandamálum til kærunefndar, en það ætti ekki að vera flókið mál
Samanburður á leigulóðum
Þá kom fram í umræðum leiga á svipuðum lóðum á nágrannajörðum
Leiga á svipaðri lóð í Kambshólslandi væri 80,000,- krónur og þar er heitt vatn
Leiga á svipaðri lóð í Svarfhólslandi væri 120,000,- krónur og þar er heitt vatn
Leiga á svipaðri lóð í Þórisstaðalandi væri 55,000,- krónur og þar er heitt vatn
Leiga á svipaðri lóð í Indriðastaðalandi væri 80,000,- krónur með heitu vatni
Beðið var um að stjórn sendi út greinargerð um stöðu þessara mála.
Guðmundur Guðbjarnason hvatti þá sem ættu sumarhúsahandbókina frá 2011 að lesa hana en þar kæmu þessar reglugerðir fram.
Sverrir Hauksson sagði frá vinnu við að halda þessum samningum saman og hvatti til þess að henni yrði haldið áfram
Tillaga var borin upp frá Ólafi Ólafssyni um að stjórnin fengi heimild til að nota 300,000,- krónur til samninga við vinnuaðila við vegagerð að vinna efni til lagfæringar á vegum.
Talið var að þessi upphæð væri allt of lág og stjórn þyrfti ekki sérstaka heimild til sérstakra framkvæmda þannig að tillagan var ekki borin upp til atkvæða
Anna Karen formaður kom upp og minnti á netfangalista og á heimasíðu félagsins http://www.eyrarskogur.is og facebooksíðu félagsins: Eyrarskógur og Hrísabrekka https://www.facebook.com/groups/500331446701586/ .
Hún bað fólk að taka frá 14. júní vegna vinnudags.
Sagði líka frá sundlaug við Heiðarborg, sjá opnunartíma á heimasíðu sveitarstjórnar, http://www.hvalfjardarsveit.is/mannlif/sundlaugin-i-heidarborg/
en síðar kom fram að hún er trúlega lokuð á sumrin.
Spurning kom til hennar hvort landeigandi gæti rukkað næsta ár án þess að gera leigusamning og hvort rukkun gilti sem leigusamningur. Svar við fyrirspurnum var í báðum tilfellum nei.
Þó virðist vera ákvæði um þetta í einhverjum samningum.
Samkvæmt gestabók mættu 70 manns á þennan aðalfund sem var slitið um kl 10:00
Fundarritari. Ólafur Ólafsson
Skýrsla stjórnar árið 2013-2014
Á síðasta aðalfundi urðu þær óvenjulegu breytingar á stjórn félagsins að allir meðlimir gengu úr stjórn auk varamanna.
Tveir nýjir stjórnarmenn voru kosnir á fundinum auk formanns og þeir eru Anna Karen formaður, Steini Þorvaldsson gjaldkeri og Hlynur Sigurdórsson ritari .
Tveir voru kosnir til vara og þau eru Margrét Maronsdóttir H4 og Kristófer Bjarnason E73.
Stjórnin hélt 9 formlega fundi á árinu auk fjölda annarra óformlegra samskipta manna á milli svo sem bréfaskrifta og símhringinga.
Vatnsveita
Í vatnsnefndinni voru; Sigmundur E 31 og Kristleifur H28 og Sigurður í E12 . Við þökkum þeim kærlega fyrir þeirra frábæra framlag.
Okkar ágætu menn í Vatnsnefndinni stóðu sig vel að vanda. Ákveðið var að tengja lögn á milli svæða yfir Grjótá til að geta komið til móts við vatnsskort á þurrkatímum. Þessi lögn er ekki enn komin alveg í gagnið en stendur til að ganga endanlega frá henni næsta sumar. Sigmundur og Þórarinn á Hlíðarfæti komu mest að þessari aðgerð. Vatnsbúskapurinn hefur annars verið ágætur og hafði vætutíð síðasliðins sumar nokkur áhrif þar á. Eitthvað er enn um að menn hafi ekki gengið frá sínum lögnum eins og vera ber en ástandið á kerfinu fer þó batnandi. Sigmundur mun gera betur grein fyrir stöðu mála og áætluninni hér á eftir.
Vegabætur og viðhald göngustíga
Í veganefnd voru: Gísli í E 33, Guðjón í E14 og Sveinn í H7 Við þökkum þeim kærlega fyrir þeirra frábæra framlag.
Ráðist var í viðgerðir á verstu köflum veganna s.l. sumar en Þórarinn á Hlíðarfæti sá um það verk. Þeir Guðjón og Gísli þessir ágætu, menn hafa nú yfirfarið vegakerfið okkar og grófmælt það upp þannig að nú höfum við nokkra hugmynd um umfang þess. Göngustígar voru lagfærðir á vinnudeginum og eru nú í þokkalegu standi.
Árlegur vinnudagur félagsins var haldinn 15. júní.
Í útivistarnefndinni voru Lúlli í E41, Hafsteinn E38 og Þórarinn E19 Við þökkum þeim kærlega fyrir þeirra frábæra framlag.
Helstu verkefni á vinnudegi. Fleiri aspir voru gróðursettar meðfram þjóðveginum og var haldið áfram þar sem frá var horfið í fyrra. Þær fengum við eins og áður frá heiðurshjónunum Birnu og Sigurði í Eyrarskógi 12. Endalausu baráttu við lúpínuna var haldið áfram og hún slegin meðfram vegum og stígum og einnig á opnum svæðum. Hrísabrekkuskiltið var grafið niður einu sinni enn og er nú vestan megin við innkeyrsluna og vonandi stendur það af sér veður og vinda í framtíðinni. Það var bætt við möl í nokkra stíga og lagfært sitthvoru megin aðkoman við brúnna. Unnið var við bætur og fegrun á samkomulautinni okkar við Grjótá, bætt við fleiri bekkjum og sett niður stöndug fura í brekkunni. Mjög góð mæting var á vinnudeginum og vasklega gengið fram til vinnu. Að loknum vinnudegi hittist síðan hópurinn eða um 60 manns, hjá Önnu Karen formanni og Jóni Steinari í H30 þar sem slegið var upp veisluhlaðborði þar sem allir lögðu til veitingar að hætti skógarbúa. Var þar hin ánægjulegasta samverustund fram eftir degi.
Verslunarmannahelgi
Ákveðið var að hafa brekkusöng og minibrennu niður í samkomulaut á laugardagskvöldinu. Menn tóku með sér kakó á brúsum og sykurpúða til að grilla yfir eldinum. Reynt var að kveikja upp í eldstæðinu en sökum vinds gekk það nú ekki alveg fyrir sig og var svo frá horfið vegna eldhættu. Þó nokkuð margir létu sjá sig og á öllum aldri. Er mjög ánægjulegt hvernig tekist hefur til með samkomulautina og verður hún bara notalegri og fallegri með hverju árinu. Hvetja má fólk til að nýta hana vel til samveru og oftar en bara um verslunarmannhelgi. Þó ber að minna á það að menn skilji við hana eins og þeir koma að henni og ekki er ætlast til að kveikt sé í öðrum eldivið þar en arinkubbum í eldstæðinu.
Öryggishlið
Nú er komin nokkuð góð reynsla af öryggishliðunum okkar og hefur umgengni við þau verið almennt góð og ekki borið á innbrotum né óvelkomnum gestum síðan þau komu upp. Við erum svo heppin að hafa frábærann hliðvörð, hann Hlyn í H2 sem hefur haft veg og vanda af umsjón með þeim. Hann mun segja okkur frá ýmsu varðandi hliðin auk annarra málefna hér á eftir.
Rollur
Það sannaðist hið fornkveðna að grasið virðist oft grænna hinum megin við girðinguna og hafa rollur í dalnum sérstakan augastað á okkar landi í því sambandi. Við höfum það fyrir satt að girðingin okkar heldur ekki þessum óvelkomnu gestum úti og höfum við því lagt á ráðin og í samvinnu við Jón á Eyri að bæta þar um næsta sumar. Eru þegar hafnar viðræður vegna þessa.
Fundur með Snorra frá hagsmunafélagi Eyrarbyggðar
Þann 30. janúar fóru formaður og gjaldkeri á fund með talsmanni Eyrabyggðar Snorra Viðarssyni.
Ýmislegt var rætt á þessum fundi s.s vegagerð – girðingarstaðan – samningargerðir og sein svörun til fólks þegar haft væri samband við hann ofl.
Skemmst er frá því að segja að hjónin á Eyri eru samþykk því að lagt sé slitlag inn fyrir girðingar og í kringum gáma. Eins og kemur fram í samningum og lögum eru vegir , vatn og girðingar á okkar vegum.
Ekki stendur til að selja landið Eyri alveg á næstunni en samkvæmt Snorra þá kemur það þó reglulega til umræðu.
Fundur með sveitarstjóra Hvalfjarðarstrandarhrepps
Þann 7. febrúar fóru formaður og gjaldkeri á fund með Laufeyju Jóhannsdóttur sveitarstjóra. Þar var meðal annars rætt um ósk íbúa um aðgengi að heitu vatni og bent á misræmi í þjónustu við sumarhúsasvæðin í dalnum. Einnig ræddum við um gámaþjónustuna og lýstum yfir óskum um lengri tímabil með grófgámum yfir sumarið. Ekki hefur verið gengið nógu vel um gámana okkar og mun Kristófer ræða þau mál betur á eftir. Komið var inn á umræðu um brunavarnir og taldi Laufey að við værum í góðum málum þar sem útgönguleiðir úr dalnum væri tvær og það væru tveir öflugir slökkviliðsbílar á Akranesi.
Aðalfundur landssamtaka sumarhúsa
Formaður og gjaldkeri fóru á fund landsamtakanna 25. mars.
Þar var meðal annars kynntur nýr vefur sem landsambandið er að setja upp hjá sér og við sem erum meðlimir í félaginu eigum að geta nýtt okkur hann. En til þess þarf skráning á netföngum að vara í góðu lagi. Og ég kem til með í framhaldi af þessum fundi að senda uppfærðan lista á landssamtökin. Á þessum vef verða aðgengileg ýmis efni og upplýsingar sem geta komið til góða fyrir félagsmenn.
Lokaorð
Þetta fyrsta ár núverandi stjórnar hefur einkennst af góðum anda og samstöðu á stjórnarheimilinu. Við höfum þá trú að það sem sameinar okkur öll í þessu sumarhúsa-samfélagi og það þrátt fyrir að koma öll úr sitthvorri áttinni er sá megintilgangur að eiga athvarf út á landi þar sem menn geta slappað af og notið náttúrunnar.
Stjórn.
Samþykkt breyting á lögum
„Stjórn félagsins skipa þrír menn úr hópi félagsmanna sem kjörnir eru á aðalfundi ásamt tveimur varamönnum. Stjórnarmenn skal kjósa til tveggja ára þannig að annað árið skal kjósa tvo aðalmenn og einn varamann og hitt árið formann félagsins, og einn varamann. Stjórnin skiptir að öðru leyti með sér verkum þannig að einn sé ritari og annar sé gjaldkeri“
Aðalfundur Frístundafélagsins Eyrarskógur og Hrísabrekka verður haldinn í Fundarsal Menntaskólans í Kópavogi Digranesvegi 51, fimmtudaginn 10. apríl n.k. kl. 20.00
Dagskrá:
Tillaga að leiðréttu orðalagi í lögum félagsins.
Hljóðar svo í dag: 6. gr
Skipun stjórnar
Stjórn félagsins skipa þrír menn úr hópi félagsmanna sem kjörnir eru á aðalfundi ásamt tveimur varamönnum. Stjórnarmenn skal kjósa til tveggja ára þannig að annað árið skal kjósa tvo aðalmenn og einn varamann og hitt árið formann félagsins, einn aðalmann og einn varamann. Stjórnin skiptir að öðru leyti með sér verkum þannig að einn sé ritari, einn gjaldkeri og aðrir meðstjórnendur.
Greinin verði eftirfarandi:
Skipun stjórnar
Stjórn félagsins skipa þrír menn úr hópi félagsmanna sem kjörnir eru á aðalfundi ásamt tveimur varamönnum. Stjórnarmenn skal kjósa til tveggja ára þannig að annað árið skal kjósa tvo aðalmenn og einn varamann og hitt árið formann félagsins, og einn varamann. Stjórnin skiptir að öðru leyti með sér verkum þannig að einn sé ritari og annar sé gjaldkeri.
Félagsmenn eru hvattir til að mæta !
Stjórnin.
Aðalfundur Frístundahúsafélagsins Eyrarskógur og Hrísabrekka haldinn í fundarsal Menntaskólans í Kópavogi, Digranesvegi 51, 20. mars kl. 20:00.
DAGSKRÁ:
1. Fundur settur. Formaður Sverrir D. Hauksson bauð fundargesti velkomna.
2. Kosning fundarstjóra og fundarritara. Stungið var upp á Andrési H. Hallgrímssyni (H15) sem fundarstjóra og var það samþykkt. Stungið var upp á Sigurveigu Alexandersdóttur sem fundarritara og var það einnig samþykkt. Fundur var úrskurðaður löglega boðaður.
3. Skýrsla stjórnar. Formaður las skýrslu stjórnar (sjá skýrslu stjórnar í viðauka 1).
4. Reikningar lagðir fram. Ólafur S. Ástþórsson, gjaldkeri, lagði fram reikninga félagsins. Tekjur ársins voru 4.883.946 kr en gjöld 4.964381 kr. Tap ársins var því 80.435 kr. Sérstök grein var gerð fyrir kostnaði við öryggishliðin. Heildarkostnaður við þau er 2.522.462 sem er nokkuð lægri upphæð en þær 2.800.000-2.900.000 kr. sem gert var ráð fyrir. Innheimta hliðgjalda hefur gengið mjög vel og þann 20. mars höfðu innheimst 2.360.000. kr. Það er aðeins hærri upphæð en áætlun gerði ráð fyrir. Að þessu samanlögðu verður framlag úr sjóðum félagsins til hliðanna lægra en gert var ráð fyrir eða aðeins 164.462 kr. í stað um 800.000 kr. sem upphafleg áætlun gerði ráð fyrir.
5. Umræður um skýrslu stjórnar og reikninga. Guðmundur (E-2) gerði athugasemd við umfjöllun í skýrslu stjórnar um samskipti vegna beiðni félagsmanns um álit kærunefndar húsamála á ágreiningi sem fram kom á félagsfundinum í tengslum við innheimtu á gjaldi fyrir öryggishlið, vatnsgjald og skiptingu á hliðkostnaði milli Eyrarskógar og Hrísabrekku. Umfjöllunin varðaði aðkomu og viðbrögð framkvæmdastjóra Landssambands sumarhúsaeigenda og formanns Landssambandsins (þ.e. Guðmundar) að ósk stjórnar Frístundahúsafélags Eyrarskógar og Hrísabrekku um aðstoð við að svara áðurnefndum kærum (mál þetta er nánar rakið í skýrslu formanns sem birt er með fundarfrásögn sem viðauki). Guðmundur sagði að aðkoma sín að málinu hefði verið að hann hefði í sumar borið undir framkvæmdastjóra tölvupóst sem hann ætlaði að senda á alla félaga í frístundafélaginu. Tölvupósturinn varðaði tillögu stjórnar að leggja til að félagsmenn án húsa á lóð yrðu ekki krafðir um greiðslu á öryggishliði. Framkvæmdastjórinn var sammála því sjónarmiði sem þar kom fram. Guðmundur sagði einnig að framkvæmdastjórinn hefði um haustið tjáð sér að Sverrir hefði haft samband við hann vegna erindis félagsmanns til kærunefndar og hann hefði þar séð að tölvuskeyti mitt væri meðal gagna í málinu. Hann taldi sig því vanhæfan að verða við óskum Sverris. Guðmundur sagði að þeir hefðu rætt fyrir löngu áður en þetta mál kom upp hvernig bæri að taka á því þegar félagsmaður og stjórn félags greindi á um málefni og félagið ætti aðild að Landssambandinu og þar með hver félagsmaður. Hann benti í þessu sambandi á að Húseigendafélagið tæki afstöðu til sjónarmiða annars aðilans þegar ágreiningur væri milli íbúðareiganda og stjórnar húsfélags sem væri aðili að Húseigendafélaginu.. Guðmundur greindi einnig að hluta frá niðurstöðum Kærunefndar í málinu en þær höfðu verið birtar tilkynntar álitsbeiðanda með símatali sama dag og aðalfundur var haldinn. Stjórninni höfðu hins vegar ekki borist úrskurðir kærumálanna og því gat hún ekki með eðlilegum hætti brugðist við því sem greint var frá um niðurstöður þeirra á fundinum.
Guðmundur fagnaði því að stjórn hefði sett upp heimasíðu og hvatti væntanlega stjórn til að viðhalda henni. Ennfremur þakkaði hann formanni og konu hans fyrir að hafa boðið félögum í bústað sinn að afloknum vinnudegi og lagði til að næsta stjórn héldi þessum sið áfram.
Gjaldkeri var spurður um mismunandi kostnaðartölur varðandi öryggishliðin í ársreikningi og í sérstöku yfirliti um kostnað við hliðin. Svarað var að ársreikningur miðaðist við áramót en í sérstakri greinargerð um kostnað við hliðin væri allur kostnaður við þau upp talinn. Þannig hefðu bæst við reikningar sem voru ógreiddir um áramót og eins hefðu innheimst gjöld vegna hliðanna eftir áramót.
Spurt var um í hverju kostnaður við vegaframkvæmdir fælist og var svarað að þar væri alfarið um að ræða greiðslu til Jóns á Eyri vegna snjómoksturs í fyrravetur.
Spurt var um peningagreiðslur til félagsmanna eða styrki til ákveðinna félagsmanna. Formaður svaraði að félagið hefði styrkt einn lóðareiganda sem reið á vaðið með mál varðandi endurnýjun á leigusamningi fyrir Kærunefnd húsamála. Styrkurinn var veittur á grundvelli þess að niðurstaða á vettvangi Kærunefndar varðandi leigugjöld myndi gagnast öllum félagsmönnum þegar kæmi að endurnýjun leigusamninga.
6. Viðurkenningar. Formaður gat þess að fráfarandi stjórn hefði ákveðið að veita lítilsháttar viðurkenningu til fimm einstaklinga sem í gegnum árin hafa lagt fram verulega og óeigingjarna vinnu til félagsins. Fyrst ber þar að telja vatnsnefndarmenn, þá Sigmund Jónsson, Sigurð Grímsson og Kristleif Kolbeinsson, en þeir hafa sparað félaginu ómældar upphæðir og hlaupið til þegar á hefur bjátað í vatnsmálum. Þá fengu einnig viðurkenningu, Lúðvík Lúðvíksson (E-41) og Páll Reynir Pálsson, (E-23) fyrir mikið og fórnfúst starf í sambandi við brennu, brú og aðra starfsemi félagsins til margra ára. Af þessum heiðursmönnum voru aðeins Lúðvík og Páll viðstaddir. Birna, eiginkona Sigurðar veitti viðurkenningu til hans móttöku en viðurkenningum Sigmundar og Kristleifs mun stjórn koma til þeirra félaga. Að lokum klöppuðu fundarmenn fyrir þessum aðilum.
7. Vegir og girðingar – staða mála. Formaður gat þess að framkvæmdir varðandi vegi og girðingar yrðu ákvörðun nýrrar stjórnar. Þó gat hann um það að gaman væri ef að á næstu árum yrði unnt að rykbinda vegi innan frístundahúsalandsins betur en nú er. Þá kom fram að næsta haust mun Vegagerðin auglýsa eftir tilboðum í að leggja varanlegt slitlag á Svínadalsveginn frá Tungu inn að Kambshóli. Það gladdi greinilega fundarmenn að heyra af þessu. Loks var nefnt að brýnt væri að laga rafmagnsgirðingu Eyrarskógarmegin þar sem það væri eina leiðin til að tryggja það að ekki væru kindur í sumarhúsalandinu.
8. Vatnsveita – staða mála. Formaður þakkaði vatnsnefnd þeirra fórnfúsa starf á seinasta ári og greindi frá áætlun fyrir yfirstandandi ár en hún hljóðar uppá 1.190.000 kr. Áætluninni er skipt í sex liði og er kostnaðaráætlun gerð fyrir hvern lið byggð á ákveðnum forsendum (vélaleigu, efniskaupum o. fl.).
Liðir þessir eru:
1. Lagfæring lagna í nálægt bústað E -60.
2. Lagfæring lagna við neðstu bústaði í Eyrarskógi.
3. Lagfæring aðveitulagnar í gili.
4. Sumartenging á vatnslögn í gili.
5. Greinalokar og þrýstingsminnkarar við lóðir E-42 og E-51.
6. Óvæntar uppákomur.
Jafnframt brýndi formaður fyrir fundarmönnum mikilvægi þess að hver og einn hugaði að stöðu veitumála hjá sér og að gera allar nauðsynlegar ráðstafanir til þess að frágangur sé í sem bestu lagi. Vanti fólk ráðleggingar þá eru vatnsnefndarmenn fúsir til þess að miðla sinni þekkingu og reynslu.
9. Kosning stjórnar. Fundarstjóri kallaði upp Ólaf Steingrímsson H-22 sem hafði forsvar fyrir uppstillingarnefnd. Ólafur gat þess að þar sem öll stjórnin væri nú að fara frá þyrfti að kjósa samtals fimm nýja stjórnarmenn og til þess að koma á fyrirkomulagi um að það endurtæki sig sem sjaldnast yrði nú kosið um þrjá stjórnarmenn til tveggja ára og tvo til eins árs. Ólafur gat þess síðan að eftirtaldir félagsmenn hefðu boðið sig fram til stjórnarsetu: Anna Karen Ásgeirsdóttir (H-30), formaður, tvö ár), Hlynur Sigurdórsson (H-2, tvö ár), Steini Þorvaldsson (E-77 , tvö ár), Kristófer Bjarnason (E-73 eitt ár) og Margrét Maronsdóttir (H-4, eitt ár). Ekki komu fram nein mótframboð og síðan var kjör þessarar nýju stjórnar samþykkt samhljóða. Skoðunarmenn reikninga voru kosin þau Birna Pálsdóttir (E12) og Indriði Þorkelsson (E7). Í viðauka 2 er yfirlit yfir alla stjórnar- og nefndarmenn næsta árs.
10. Ákvörðun um árgjald og vatnsgjald. Gerð var tillaga um að árgjald til félagsins verði 10.000 kr. og að vatnsgjald verði einnig 10.000 kr. Hvoru tveggja er óbreytt frá fyrra ári og var það samþykkt án mótatkvæða.
11. Skipun í nefndir innan félagsins. Vatnsnefnd verður áfram skipuð sömu mönnum og fyrr, þ.e. þeim Sigurði Grímssyni (E12), Sigmundi Jónssyni (E31) og Kristleifi Kolbeinssyni (H28). Í Veganefnd voru skipaðir Gísli Haraldsson (E-33); Guðjón I Jónsson (E-14); Sveinn Ragnarsson (H-5). Í Útivistar- og göngustíganefnd voru skipaðir Lúðvík Lúðvíksson (E41), Hafsteinn Sigurðsson (E-38) og Þórarinn B Guðmundsson (E-19).
12. Önnur mál. Nýr formaður ávarpaði félagsmenn og gat þess að félagið væri aðeins félagsmenn og ekkert annað. Að eiga sumarhús er í raun lífsstíll og það er hann sem sameinaði félagsmenn. Í skóginum og brekkunni viljum við eiga notalegar stundir og því er mikilvægt að allir félagsmenn vinni að málum með samvinnu og samstarf í huga. Þá sagðist hún örugglega eiga eftir að leita í smiðju fyrri stjórnar og formanns og þakkaði allri stjórninni fórnfúsa vinnu fyrir félagið á undanförnum árum. Að lokum færði nýi formaður hverjum fyrri stjórnarmanni fallegan blómvönd.
Hvatt var til þess að ný stjórn myndi reyna að bæta samskipti við Eyrarbændur og virkja skyldur þeirra gagnvart lóðarhöfum sem og reyna að fá þá til að sýna meiri skilning og samstarfsvilja þegar kæmi að t.d. endurnýjun leigusamninga. Í framhaldi var spurt hvort samskipti við landeigendur að Eyri væru eins erfið og stundum heyrðist. Í svari var þá vísað til mála eins og vega í Hrísabrekku sem aldrei hefðu almennilega verið kláraðir (en það átti að gera er svæðið væri fullbyggt) og eins var vatnsöflun tekin sem dæmi um atriði þar sem fólki fannst sem ekki hefði verið staðið við samninga. Lögð var áhersla á mikilvægi þess að gagnkvæmt traust ríkti á milli aðila.
Spurt var hvort vatn sem nú væri á veitunni kæmi frá Grjótá. Svarað var að það væri tekið eða kæmi undan fjallinu og var það framkvæmd sem félagið fór í á sínum tíma til að tryggja vatnsöflun.
Einn fundarmanna vildi þakka vatnsnefnd sérstaklega. Eins þakkaði hann fyrri stjórn gott starf og óskaði nýrri stjórn velfarnaðar. Annar fundarmaður tók einnig undir þetta og gat þess sérstaklega að engu máli skipti í sínum huga af hvoru svæði stjórnarmenn væru. Félagið er eitt og hagsmunir okkar allra þeir sömu. Þannig hefði fráfarandi stjórn unnið að málum og svo yrði vonandi áfram. Fundarmenn fögnuðu þessu með lófataki.
Ekki kom fleira fram á fundinum og var honum slitið um kl. 22.
Viðauki 1.
Skýrsla formanns um störf stjórnar árið 2012-2013
Á síðasta aðalfundi urðu þær breytingar á stjórn félagsins að Ásgeir Ásgeirsson hætti sem gjaldkeri og í hans stað var Pálmi Lord kosinn til tveggja ára, þá var Sigurveig Alexandersdóttir einnig endurkosin til tveggja ára. Stjórnina skipuðu því Sverrir Davíð Hauksson formaður, Ólafur S. Ástþórsson ritari, Pálmi Lord gjaldkeri, Sigurveig Alexandersdóttir meðstjórnandi, og Guðbjörg Gústafsdóttir meðstjórnandi. Pálmi sagði sig frá stjórnarstörfum 10. desember og tók þá Ólafur við gjaldkerastarfinu og Sigurveig við ritarastarfinu, og vorum við þá 4 í stjórn frá þeim tíma. Stjórnin hélt 8 formlega fundi á starfsárinu auk fjölda annarra samskipta stjórnarmanna.
Vatnsveita
Okkar góðu menn í vatnsnefndinni voru iðnir þetta árið sem og mörg undanfarin ár. Þeir komu fyrir 22 þús lítra tanki Eyrarskógar megin og er þá geymslurýmið þar orðið um 50 þús lítrar, bráðabirgðalögn var komið fyrir yfir hásumarið til að safna meira vatni, þá voru hverfin tengd saman með lögn sem fer yfir ánna, því vatnsgjöf yfir hásumar er ekki nægjanleg Hrísabrekkumegin. Í tvígang kom upp leki sem þurfti að laga strax og voru kallaðir til þess utanaðkomandi menn. Það má alltaf gera ráð fyrir einhverjum bilunum á vatnslögninni og það er mikilvægt að brugðist sé fljótt við þegar þannig vandræði koma upp. Áætlun vatnsnefndar fyrir síðast tímabil hljóðaði uppá 1,460,000 kr en kostnaður varð 1,650,000. Mismunur á þessum tölum er aðallega vegna kostnaðar við að koma tankinum fyrir og vegna útkalla út af leka. Vatnsnefndarmenn hafa notað Þórarinn á Hlíðarfæti sem verktaka við stærri framkvæmdir en einnig var kallað á annan aðila þegar lekinn kom upp síðast liðið haust.
Áætlun nefndarinnar fyrir komandi ár hljóðar uppá 1,190,000 kr.
Í vatnsnefndinni voru; Sigurður í Eyrarskógi 12, Sigmundur E 31 og Kristleifur Hrísabrekku 28. Við þökkum þeim kærlega fyrir þeirra frábæra framlag.
Vegabætur og viðhald göngustíga
Ekki voru neinar vegabætur unnar á árinu 2012 en göngustígur var lagður frá brúnni austan við ána, að öðru leyti var ekki unnið í göngustígum á liðnu starfsári. Brúin sem er yfir Grjótá var löguð, en uppstigið eyðilagðist í miklu áhlaupi síðast liðinn vetur og sá Lúlli í Eyrarskógi 41 um þá framkvæmd með aðstoð Gísla í Eyrarskógi 33
Vinnu- og útivistadagurinn
Vinnu og útivistardagur var haldinn 23. júní. Skipt var út nokkrum öspum niður við þjóðveg, aspirnar fengum við hjá þeim hjónum Birnu og Sigurði í Eyrarskógi 12.
Borið var á brúna og göngustígur frá henni var lagaður eftir mikið áhlaup frá vetrinum eins og áður sagði.
Þá var tekin upp sú iðja að slá lúpínu sem er að loka göngustígum, einnig var unnið við trjáaklippingar eftir aðalgötum í Eyrarskógi, en þar eru runnar farnir að teygja sig óþægilega mikið inná aðalgöturnar. Þá var unnið við að hysja upp gömlu girðinguna að austan verðu í Eyrarskógi. Mæting var góð og ekki var annað að sjá en fólk hefði gaman af þessari samveru.
Í lok dags kom fólk saman í Eyrarskógi 11 þar sem slegið var upp hlaðborði og lögðu allir fram veitingar að hætti skógar- og brekkubúa.
Heimasíða
Að tillögu Pálma Lord var ákveðið að koma upp heimasíðu sem hefði m.a. að geyma helstu upplýsingar um félagið, viðburði sem það stendur fyrir, fundargerðir félagsfunda o. fl. Pálmi sá alfarið um vinnu við uppsetningu heimasíðunnar og tók hann jafnframt að sér umsjón með síðunni og viðhald og þökkum við honum kærlega fyrir. Heimasíðan hefur hins vegar ekki verið uppfærð síðan Pálmi hætti í stjórn.
Verslunarmannahelgi
Engin brenna var á síðast liðnu ári, en nokkrir áhugasamir félagsmenn söfnuðust saman á laugardeginum fyrir Verslunarmannahelgi í laut við göngubrúna og kveiktu þar lítill eld og áttu góða samverustund.
Girðingarvinna og hlið
Eins og áður hefur komið fram að þá var lappað uppá gömlu girðinguna að austanverðu í Eyrarskógi. Ekki var um aðra skipulagða vinnu við girðingar á árinu en þó vitum við að nokkrir félagsmenn hafa gengið eftir rafmagnsgirðingunni og hengt upp strengi sem hafa fallið niður.
Á almennum fundi sem haldinn var í Smáranum, Dalsmára 5 í Kópavogi, í ágúst var kynnt tillaga stjórnar um að koma upp öryggishliðum fyrir bæði svæðin. Áætlun stjórnar hljóðaði upp á kr 2.800.00.-2.900.000 og að einungis byggðar lóðir skyldu greiða 20 þús kr gjald fyrir hverja lóð, en byggðar lóðir eru 106 á öllu svæðinu. Töluverð umræða varð um þessa tillögu sem m.a. tengdist kostnaðarskiptingu milli Eyrarskógar og Hrísabrekku og eins að innheimtu kostnaðar einungis af byggðum lóðum. Að lokum var tillagan hins vegar samþykkt þar sem 36 sögðu já, 2 nei og 3 skiluðu auðu. Frekari upplýsingar um umræður er að finna í ítarlegri fundargerð sem send var öllum félagsmönnum og eins er hana að finna á heimasíðu félagsins (eyrarskogur.is).
Í framhaldi af fundinum fór formaður að leyta tilboða og fengu 5 eftirtaldir aðilar útboðslýsingu: Öryggismiðstöðin, Securitas, Öryggisgirðing, Sindra stál og Nortek. Formaður fékk síðan þá Jón Guðlaugsson Eyrarskógi 50 og Sigurð Grímsson Eyrarskógi 12 sér til halds og trausts við skoðun á tæknilegum atriðum tengdum þeim hliðum sem boðið var upp á. Áður en ákvörðun var tekin var fundað með þremur af þessum 5 aðilum sem okkur leist best á.
Í framhaldi af þessu var hafist handa, Gísli Eyrarskógi 33 sá um að grafa fyrir stöplum og skurði fyrir lögn á milli hliða. Þá voru Guðjón Eyrarskógi 14 og Jón Eyrarskógi 82 ásamt formanni honum til halds og trausts. Jarðvegur var mjög grófur þar sem skurðurinn var tekinn og þurfti því að fá fínni grús frá Þórarni sem lögð var yfir lögnina, einnig var sett fínni grús undir rafmagnsinntakskassann. Í framhaldi af þessu sáu Guðjón og formaður um að draga lögnina í á milli hliða. Hlynur Sigurdórsson Hrísabrekku 2 sá alfarið um að setja upp rafmagnskassa og tengja hliðin, þá hefur hann einnig tekið við umsjón með hliðunum eftir að Pálmi hætti í stjórn og á hann miklar þakkir skilið fyrir að hafa hlaupið þar í skarðið. Ásamt því að opna hliðin með GSM síma var boðið uppá möguleika að opna hliðin með fjarstýringu. Kostnaður við hverja fjarstýringu var kr 3400 kr og greiðir hver og einn það gjald, einungis þeir sem hafa greitt upphafsgjaldið fá að kaupa sér fjarstýringu. Gíróseðlar fyrir hliðgjaldi voru síðan sendir út í byrjun nóvember.
Vert er að taka sérstaklega fram að gíróseðlar voru sendir á alla aðila þrátt fyrir fyrri samþykkt félagsfundar um að rukka aðeins hliðgjald af byggðum lóðum. Það var gert vegna þess að einn félagsmaður hafði kært stjórnina (eða félagið til Kærunefndar húsamála) fyrir hina fyrri samþykkt. Ég mun víkja nánar að þessari kæru hér rétt á eftir.
Vert er líka að taka fram að á fundinum í ágúst var marg tekið fram að þeir sem ekki hafa byggt á lóðum sínum myndu þurfa, þegar þar að kæmi, að greiða gjaldið til þess að fá aðgang um hliðin. Þetta sama var og sagt í tölvupóstum sem sendir voru félagsmönnum til þess að upplýsa um aðgang um hliðin. Í framhaldi að þessu fékk stjórnin tölvupósta frá nokkrum félagsmönnum sem voru í þessari stöðu og vildu fá sama aðgang og aðrir. Þeir greiddu því gjaldið þrátt fyrir að hafa ekki ennþá byggt. Innheimta á gjaldinu fyrir hliðin hefur gengið mjög vel og aðeins eiga 2 eða 3 aðilar á byggðum lóðum eftir að greiða það. Þann 16. mars 2013 höfðu samtals 114 aðilar greitt gjaldið.
Kæra
Ég ætla nú að fara nokkrum orðum um kæru í þremur liðum frá Kristni Sigmarssyni Eyrarskógi 91 sem barst stjórn þann 10. september síðastliðinn í gegnum Kærunefnd húsamála. Kæran er í fyrsta lagi um að stjórn félagsins ætlaði aðeins að senda gíróseðla vegna framkvæmda við hliðin til þeirra aðila sem eru með byggðar lóðir, síðan er í öðru lagi kært fyrir það sama gagnvart innheimtu á vatnsgjaldinu og loks í þriðja lagi er kært fyrir það ákveðið hafði verið að rukka sama hliðgjald á byggða lóð í Eyrarskógi og Hrísabrekku.
Í framhaldi af kærunni ákvað stjórnin að leita til framkvæmdastjóra Landsambands sumarhúsaeigenda, Sveins Guðmundssonar, um aðstoð við að svara henni og var honum því send kæran og greinargerð Kristins. Sveinn svaraði eftir stuttan umhugsunartíma að hann gæti ekki tekið þetta verkefni að sér þar sem m.a. formaður Landsambandsins, Guðmundur Guðbjarnason Eyrarskógi 2, væri á sömu skoðun í þessu máli og Kristinn Sigmarsson. Sveinn útvegaði okkur síðan annan lögmann, Gísla Kr. Björnsson, hjá Lagarökum, og hann svaraði kærunni fyrir hönd félagsins eftir að hafa fengið upplýsingar um málið frá stjórninni. Þess má geta hér að vinna lögmannsins kostaði félagið 200 þúsund kr.
Í framhaldi af þessu barst andsvar frá Kristni, sem stjórnin fór yfir og svaraði svo sjálf. Ekki hafa borist frekari bréf frá Kærunefndinni en starfsmaður nefndarinnar hefur nýlega upplýst að málið verði tekið fyrir í byrjun apríl.
Megin efnið í svari lögmannsins er að stjórnin ákvað framkvæmd innheimtu á grundvelli samþykkt félagsfundar. Þá segir lögmaður svo vitnað sé í greinargerð hans: ,,hér virðist eingöngu vera deilt um það útfærsluatriði hvort að umráðamenn óbyggðra lóða séu krafðir um þátttöku í kostnaðinum þegar til hans stofnast eða hvort innheimta megi kostnaðinn þegar þeir hafa byggt sumarhús á lóðum sínum“.
Varðandi þriðja lið kærunnar þá er best að vitna hér í svar lögmannsins sem sagði. ,,Um þennan lið telst nauðsynlegt að taka fram að ekki fæst séð hvernig honum verður svarað með skýrum hætti, þar sem spurningin sjálf dregur úr skýrleika sem draga má af nafni félagsins. Um er að ræða tvö svæði, Eyrarskóg og Hrísabrekku, en um svæðin hefur verið stofnað eitt félag sem ber heiti svæða Frístundahúsafélags Eyrarskógar og Hrísabrekku“.
Í svari okkar við andsvari Kristins var því bætt við sem ekki hafði komið fram í svari lögmanns okkar að innheimtuseðlar hefðu þrátt fyrir samþykkt félagsfundar verið sendir til allra félagsmanna, þar sem ekki var farið yfir nafnalistann áður en hann fór í bankann. Þannig var, þegar allt kom til alls, farið að innheimtu samkvæmt því sem Kristinn virðist telja réttast, en engu að síður telur stjórn fullkomlega fullgilda og réttlætanlega þá ákvörðun sem félagsfundur ákvað að hafa við innheimtu (þ.e. að innheimta í fyrstu einungis af byggðum lóðum).
Lokaorð
Það er von okkar sem nú erum að hætta í stjórn að ekki komi til samskipta eins og hér að ofan hafa verið rakin, gagnvart þeim sem bjóða sig til þjónustu fyrir félagið í framtíðinni. Við verðum að geta treyst þeim sem kosnir eru í stjórn og til þess að fara með umboð félagsins á hverjum tíma. Ef um óánægju er að ræða hjá einhverjum einstaklingum þá er aðalfundur (eða jafnvel sérstakir fundir) rétti vettvangurinn til þess að skýra mál og leysa. Það er ömurlegt að þeir sem gefa sig til starfa fyrir félagið í frítíma sínum þurfi í ofanálag að eyða kröftum í formleg kærumál frá félagsmönnum, kærumál sem fyrirfram er vitað að litlu sem engu breyta fyrir félagið og einungis eru til þess fallin að sá fræjum tortryggi milli félagsmanna. Sama á reyndar við um skeyti það sem Pálmi Lord sendi frá sér þegar hann sagði sig lausan frá gjaldkerastarfinu en þar ýjaði hann að því að stjórnarmenn væru að fara illa með fjármuni félagsins. Þá vonumst við einnig til þess að félagsmenn noti ekki heimasíðu félagsins til bera órökstuddar sakir upp á aðra í félaginu.
Nú er það svolítið sérstakt að allir aðilar innan stjórnar hætta á sama tíma og kemur þar eftirfarandi til. Kjörtímabil þriggja stjórnarmanna sem kosnir voru til tveggja ára fyrir tveimur árum rennur nú út og hyggjast þeir ekki gefa kost á sér áfram. Gjaldkeri sem í fyrra var kosinn til tveggja ára sagði sig frá stjórnarstörfum í desember síðast liðnum og þá vill annar aðili, sem var kosinn til tveggja ára á síðast liðnu ári, losna úr stjórn. Við þetta verður ekki ráðið og þegar ný stjórn verður kosin hér á eftir þá verða 3 aðilar kosnir til ára og 2 til eins árs.
Töluverð starfsemi er orðin á vegum félagsins og því er mikilvægt að sem flestar hendur komi að þeim verkefnum sem þarf að leysa, félagið er ekki annað en við sjálf og því verða allir að leggja sitt af mörkum þegar kjósa þarf í stjórn og ráð innan þess.
Við sem nú hverfum frá stjórnarstörfum óskum nýrri stjórn alls hins besta og vonumst til að hún haldi áfram þeirri uppbyggingu og því góða starfi sem teljum okkur hafa reynt að viðhafa á undanförnum árum.
Viðauki 2. Stjórn og nefndarmenn 2013-14
Stjórn
Anna K Ásgeirsdóttir, formaður, H-30
Hlynur Sigurdórsson, ritari, H-2
Steini Þorvaldsson, gjaldkeri, E-77
Margrét Maronsdóttir, meðstjórnandi, H-4
Kristófer Bjarnason, meðstjórnandi, E-73
Skoðunarmenn reikninga
Birna Þ. Pálsdóttir, E-12
Indriði Þorkelsson, (E-7)
Vatnsnefnd
Sigurður Grímsson, E-12
Sigmundur Jónsson, E-31
Kristleifur Kolbeinsson, H-28
Veganefnd
Gísli Haraldsson, E-33
Guðjón I Jónsson, E-14
Sveinn Ragnarsson, H-5
Útivistar- göngustíganefnd
Lúðvík Lúðvíksson, E-41
Hafsteinn Sigurðsson, E-28
Þórarinn B Guðmundsson, E-19
